Lirik Lagu Nedi Gampo – Ratok Mandeh

By | April 5, 2022
Nedi Gampo - Ratok Mandeh

Alah den turuik kato mandeh
Kawin alah mancari alun
Alah balimo anak den kini
Sorang jantan ampek padusi

Bini den sadang sarek pulo
Kecek mak dukun nyo kamba tigo
Kok nyo lahie minggu di muko
Ai sabana rumik sabana bedo

Ulah dek uru samo gadang
Maleh sikolah katiko bujang
Nan paralu awak batanggang
Gilo manggaduah nak gadih urang

Alah den cubo pulo bakuli
Talok dek badan yo tigo hari
Kok den kana yo den sasali
Ai sabana rumik yo nan tajadi

Alah den turuik kato mandeh
Kawin alah mancari alun
Alah balimo anak den kini
Sorang jantan ampek laki-laki

Bini den sadang bangkak pulo
Kecek mak dukun nyo kamba tigo
Kok nyo lahie salasa di muko
Ai sabana rumik sabana bedo

Ulah dek uru samo gadang
Maleh sikolah katiko bujang
Nan paralu awak batanggang
Gilo main song sampai parak siang

Alah den cubo jadi pagawai
Dek krisis moneter gaji tak sampai
Ka mambali kulkas sk tagadai
Pakan ka pakan makan jo incek patai

Den cubo pulo pai ka parak
Di pantak panyangek
Badan bangkak bangkak
Alah den gosok jo minyak sungu badak
Makin den gosok makin maruyak

Den cubo manggaleh di kaki limo
Indak bara pak urang balanjo
Dek toko toko gadang mambantiang harago
Ai nan kayo juo batambah kayo

Jadi panyanyi den cubo pulo
Suaro balieng barekam juo
Kaset tak laku produser marabo
Basuo di jalan awak ndak nyo sapo

Den cubo pulo kini mambecak
Mangayuah sapeda kaki den bangkak
Dek alun makan urang talantak
Marasai kapalo den lah bangkak bangkak

Lirik Lagu Yang Terkait:
NEDI GAMPO – RATOK MANDEH

Temukan Mp3 Nedi Gampo – Ratok Mandeh