Tra usah pikir hidup yang susah
Nikmati setiap duka dan suka
Tra usah pikir semua masalah
Yakin tong menang tra akan kalah
Ta pukul dengan keadaan
Masalah berlapis-lapis bikin ta tekan
Mundur karna ko yakin su trada harapan
Terus ingat yang lalu lupa masa depan
Tiap hari rasa kurang dalam pikiran
Semua yg ada di otak jadi beban
Ko pu ego bikin ko full dengan cobaan
Coba tarik nafas… dan lepaskan
Hembuskan penat yg mo halangi ko
Lupakan segala hal yg jadikan ko bodo
Lepaskan semua beban yg mo bikin ko lombo
Ko pu masalah semua harus ko buang tempo
Trada masalah yang tra bisa tong hadapi
Masalah hidup trakan selesai deng mati
Masalah skarang selesaikan hari ini
Truslah ko hidup sampai pagi datang lagi
Tra usah pikir hidup yang susah
Nikmati setiap duka dan suka
Tra usah pikir semua masalah
Yakin tong menang tra akan kalah
Jang ko cuma goyang kaki saja
Jang cuma ko badiam tra guna
Jang cuma liat sa mari ko kemari
Tong nikmati dunia kasih abu nae
Tra usah cari jauh bahagia tong yang buat
Tra usah pikir banyak masalah yakin ko kuat
Nikmati semua tong pung hidup ini sesaat
Hidup berawal dari mimpi yang penting ko niat
Karna bu.. kan cuma ko yang punya masalah
Co laku.. kan hal baik dan bawa ke suasana
Kalo putus tra usah lama ganti deng yang lainnya
Masih banyak gadis cantik yang terbaik di dunia
Apa yang telah terjadi kas biar akang terjadi
Mari ko datang kemari ikutlah torang menari
Jang cuma duduk tra guna langsung saja ko berdiri
Masalah tra akan habis kalo ko terus berlari
Trada masalah yang tra bisa tong hadapi
Masalah hidup trakan selesai deng mati
Trada yang lebih indah di atas dunia
Dari tong pung hidup yang cuma sekali sa
E e e o
E e e o
Tra usah pikir hidup yang susah
Nikmati setiap duka dan suka
Tra usah pikir semua masalah
Yakin tong menang tra akan kalah
Jang ko cuma goyang kaki saja
Jang cuma ko badiam tra guna
Jang cuma liat sa mari ko kemari
Tong nikmati dunia kasih abu nae
Lirik Lagu Yang Terkait:
Nowela Mikhelia – Tra Usah Pikir Ft Sun D
